圖：70架法拉利排成數字「70」的車陣/受訪者圖
「男人嘅浪漫」、以「紅」見稱嘅意大利汽車品牌「法拉利」適逢問世70周年，香港法拉利會為慶祝盛事，70名車主尋日發起「法拉利香港巡航」，揸靚車遊走香港，仲唔恨死隔籬咩！
70架法拉利除咗泊喺亞洲國際博覽館調度區，排成數字「70」的車陣外，每部價值過百萬嘅名車仲一齊參與全程70公里嘅巡遊，由亞洲國際博覽館調度區起步，橫越青馬大橋，駛經環球貿易廣場、香港國際金融中心、立法會綜合大樓等香港地標。
「紅色的跑車像是帶着神秘」，市民難得一次過「集郵」歷代唔同型號既「紅馬」，當然唔會錯過呢個前所未見嘅空前盛況，仲唔拎起手機影餐飽！
