大公網12月29日訊（記者 龔學鳴）：由漁農自然護理署、蔬菜統營處同埋魚類統營處合辦嘅第11屆本地漁農美食迎春嘉年華，將於聽日至出年1月2日響旺角花墟公園舉行，係全港規模最大嘅漁農墟有超過370個攤位展銷本地漁農產品及相關貨品。今屆嘉年華嘅主題係「促進漁農業技術現代化及提升產品質素」，主要展覽包括模擬本地菜場同養漁場嘅漁農展區。
嘉年華亦設有專區，展示漁護署向業界提供嘅支援。農業方面有選育良種，溫室種植、多功能耕耘機、自動化培苗系統，採收後處理同產品質素檢測；漁業方面就有先進嘅水產養殖系統。展區亦會有人示範以測計儀器量度粟米甜度。市民可以免費入場，搜購本地新鮮蔬果、鮮花等產品之餘，亦可以加深對本地漁農業嘅了解。
