本報之前直擊踢爆本土民主前線黃台仰去咗台灣，表面係參加「世界人權日」活動，實質原來係搞「四獨」大雜燴甚至有日本勢力喺幕後搞搞震，黃台仰尋晚喺自己個網台節目繼續唱「獨腳戲」，點知就露出馬腳，呢頭鬧我哋報道失實、抹黑、「得啖笑」，轉頭就形容自己「有啲失策」，完全不知道被偷影。鄭晴聽完就真係唔慌唔「得啖笑」喇，既然你講到勾結「台獨」、「藏獨」、「蒙獨」甚至日本人係咁光明正大，咁又使乜驚畀人影到呢？咁唔係心虛又係乜？
