吳永嘉宣傳工展會 大公報記者 蔡文豪攝
大公網12月7日訊（記者許嘉信）一年一度嘅工展會又到喇！工業界立法會議員吳永嘉(Jimmy)今日就響立法會向傳媒派入場劵，幫手宣傳。Jimmy話，自己今年已經派咗一千張飛，加上做咗立法會議員，多咗人問佢攞飛，預計今年會派到二千張。
今年工展會將於今個星期六開幕，至出年1月2日結束。行政長官梁振英同中聯辦主任張曉明都會主席開幕儀式。Jimmy話，廠商會一如既往舉辦「工展顯關懷」活動，邀請一批基層家庭參加工展會，除咗向每個家庭提供五百蚊用作場內消費，仲安排義工陪佢地一齊參與。
Jimmy又話，廠商會將會響除夕夜舉行倒數活動，邀請幾千位老人家入場一齊迎接2017年之餘，亦作為廠商會慶祝香港回歸20周年嘅頭炮活動添。
