圖：譚機師話教大家中文，馬首是「膽」/大公報記者林良堅攝
尋日立法會辯論民建聯張國鈞提出嘅「規定初中中國歷史獨立成科」議案，反對派當然利用呢個機會乘機「抽水」。身為飛機師嘅公民黨譚文豪，佢話「以梁振英特首『馬首是瞻』嘅教育施政呢，係非常之無信心。」鄭晴聽完，當堂笑咗。唔知飛機師係咪太離地，無咩機會講中文，居然連「馬首是瞻」都可以讀錯，仲學人批評教育局，佢就真係要惡補一下中文同歷史科啦！
民建聯劉國勳喺發言時，都不忘糾正飛機師。佢話，「我想作出少少更正，馬首是瞻先係啱嘅，正正因為呢啲成語係一個典故，呢啲典故可以透過中國歷史可以學得到。」事後飛機師就話太緊張，加上無為意先讀錯。鄭晴明嘅，飛機師都係驚大家聽會嗰陣悶親，所以特意「樹根化」引大家注意，明嘅明嘅，辛苦曬飛機師！
