大公產品

首頁 > 文章 > 正文

郭榮鏗自爆宣誓讀多咗個字

時間:2016-11-10 03:15:20來源:大公網

  圖:我都宣錯誓喎,毛姨姨▉會唔/會晤▉會大義滅親投訴埋我\設計對白

  人大釋法講明,宣誓人如果故意改動或歪曲法定誓言,都會被視為宣誓無效,宣誓人會喪失就任資格,好多喺宣誓嗰陣「玩嘢」或者「加料」嘅反對派立法會議員,依家應該覺得危危乎喇。不過,有反對派中人諗盡辦法想拉埋建制派落水,講緊嘅係公民黨毛孟靜,事關佢話立法會地產及建造界石禮謙以英文宣誓嗰陣,將「administrative」讀成「administration」,揚言會向立法會主席梁君彥投訴喎。

  石禮謙承認確有此事,解釋自己有老花,睇錯咗誓詞字眼,所以出錯,但佢強調,「administrative」同「administration」只係形容詞同名詞嘅分別,而佢並無改變誓詞意思,唔似某啲候任議員,將誓詞改做「re乜乜of支那」,意思唔同曬。石議員嘅黨友林健鋒亦不滿毛孟靜藉機大做文章,話佢鍾意喺「雞蛋裏面挑骨頭」喎。

  一向自詡英文水平高嘅毛孟靜就聲稱,唔接受石禮謙嘅解釋,話「Hong Kong Special Administrative Region」(香港特別行政區)係專有名詞,讀錯做「administration」,點都唔啱喎。不過,佢嘅黨友、法律界郭榮鏗尋日就同傳媒自爆,話自己當日以英文宣誓嗰陣,都讀多咗個「to」字。唔知毛孟靜▉會唔/會晤▉會大義滅親,投訴埋郭榮鏗文法錯誤,宣誓無效呢?

最新要聞

最新要聞

最受歡迎