時事評論人練乙錚尋日撰文，提議「泛民」明年特首選舉中，支持早前喺立會選舉中落敗嘅黃毓民出選，突出「2047」議題，又聲稱毓民參選會「成為特首梁振英嘅噩夢雲雲」。不過練乙錚似乎係「拿熱臉貼人冷屁股」，唔少毓民嘅「教徒」網上留言指練閉門造車，甚至話佢用意惡毒，參加所謂小圈子選舉是陷「教主」於不義。
毓民其後都係Facebook回應：「練老浮想聯翩，毓民敬謝不敏！」連「港獨」推手陳雲都喺Facebook斥練「消費黃毓民」，質疑「泛民」如果要毓民選特首，點解當初唔配票畀毓民高票當選議員。
眾所周知，毓民過去一直攻擊「泛民」係出賣香港嘅偽民主派，雙方勢如水火，要佢哋合作出選特首？你估話咁易咩！
