圖：CY尋日喺Facebook首度回應買iPhone一事\特首fb圖
特首梁振英（CY）前排被人影到着住件「家HK」tee，喺中環IFC嘅蘋果專賣店排隊，仲入咗店內試玩iPhone 7，不時又問下店員問題，惹來坊間熱議。
有人講笑，話CY出名鍾意耕種，唔通都係一名狂熱「果農」，手機要換iPhone 7？事隔幾日，CY尋日喺個人Facebook首度回應呢件事，承認網上流傳嘅相中人的確係佢。原來當日佢唔係去換機，而係「家中有人跌壞iPhone 6」，佢當日落中環，順便去IFC嘅蘋果專賣店買部iPhone 7。CY又解釋當日買機嘅程序，先係喺一樓落單，收到確認電郵後，憑電郵到三樓攞機，又話「當日顧客不少，人人都排隊，應該的」。反對派經常指控CY所謂「濫用特權」，咁究竟CY買手機有無「特事特辦」呢？相信市民都心中有數。鄭晴就見到有唔少網民係CY嘅Post讚好，並留言讚佢係好丈夫好父親、親力親為。
