圖：講起唔可以親手獻書畀恩師，美芬一度哽咽
經民聯立法會議員梁美芬，尋日為佢本新書《香港基本法：從理論到實踐》搞咗場發布會，唔少好友都嚟捧場，包括發展局局長陳茂波、師出同門嘅中聯辦法律部部長王振民、仲有建制派新任「班長」廖長江、執業大律師馬恩國、丁煌等法律界人士。
美芬喺會上分享咗由北京求學到投身政壇嘅心路歷程，特別係佢同恩師、原基本法草委許崇德教授嘅交往，當佢講到呢本新書係許老生前不斷鼓勵和敦促佢寫，成書後卻不能親手獻畀恩師時，美芬一度哽咽，覺得非常遺憾。佢又形容自己同恩師嘅關係就好似「一國兩制」，恩師呻過唔知點教香港學生，佢自己亦經常挑戰恩師嘅睇法，好似基本法起草時，佢都唔明咩叫人大釋法，許崇德就講人大嘅釋法權係國家主權嘅體現，不能夠放棄，「放風箏都要留住一條線」。
