圖：劉小麗（左）竟倒過嚟話社會「捉得太緊」\資料圖片
立法會「新丁」、「青年新政」嘅游蕙禎前排出席公開論壇，講緊社會空間不足，突然爆出一句「就算我哋要撲嘢（做愛），我哋都搵唔到房去撲」，令台下唔少觀眾嘩然並引起爭議，有人批評游用字非常不雅，有失議員身份。
當日有份出席嘅劉小麗和游嘅黨友梁頌恆，尋日出席電台節目時，就盲撐游蕙禎。
劉小麗明明都承認當時聽到呢句嘢後都有啲錯愕，但為求撐游，竟然將現場眾多後生仔全部「降呢」，聲稱覺得游係想用「共同語言」去帶動氣氛，又指社會對游嘅言論「捉得太緊」。鄭晴聽落「劉老師」咁誤人子弟的說話，又真係幾錯愕囉。
至於梁頌恆更亂用《禮記》中嘅「飲食男女，人之大欲存焉」為「撲嘢」論辯護。
鄭晴就好想問問梁議員，咁「文雅」拋書包出來，究竟係想明撐游蕙禎粗鄙有理呢，定係暗串佢用詞不文啊。
