立法會一眾新丁未上任連日醜態盡出。繼梁天琦、黃台仰、馮敬恩等激進派，將以「青年新政」梁頌恆助理身份殺入立法會，「香港眾志」黃之鋒就趁「佔中」兩周年，在個人facebook宣布成為「候任立法會議員（香港島）羅冠聰的職員」。佢喺「公民廣場」前面影相大曬立法會職員證，引來網民不滿，斥佢「攞景贈興」，食抗爭者嘅「人血饅頭」上位，搞出「佔中」原來就係幫自己搵份好工。
另一邊廂，「青年新政」游蕙禎就缺席尋日候任議員簡介會，反而去咗傘兵組織嘅居民大會「抽水」，係咪以為自己好熟立會工作？佢亦被揭發當選後在義工群組內粗口橫飛，「淑女」形象蕩然無存，令唔少稱佢為「游BB」嘅宅男眼鏡碎滿一地。不過仍有「死忠」粉絲仍然幫佢護航，話今時今日連香港小姐冠軍都可以係講粗口「黃絲」，咁議員講粗口又有乜咁奇。鄭晴提下「游BB」，喺議會發言就千祈唔好講粗口喇！
