號外！鄺俊宇嘅「鄺體」，衝出香港啦。台灣作家九把刀（刀大），係，即係寫《那些年，我們一起追的女孩》嗰位。「刀大」尋日喺Facebook發文問（八）卦，竟然提到「鄺體」。
刀大嘅全文係：「鄺體，到底，是，三小，對我，來說，這是，火鳳，許渚，體，是，少林寺，第一，棄，武僧，不殺，體，懂？」鄭晴補充下，「三小（啥小）」是閩南話俚語，相當於廣東話「咩嚟」嘅粗口版。
刀大又舉《火鳳燎原》做例，話有角色都係咁講嘢下下逗號，明顯流露不屑。我哋嘅「鄺神」好似唔明刀大寸緊佢喎，仲好自豪咁喺人哋Facebook留言：「那些年，我們一起追的，九把刀」，加埋心心眼Emoji，真係，睇到，鄭晴，雞皮疙瘩。
