圖：「撼頭埋牆」形容人自討苦吃

　　「埋」有「掩」的意思，就有了以下一連串的意思轉折：

　　「掩」，義近「合」

　　「合」，義近「閉」

　　「合」，又義近「合攏」，義近「靠攏」

　　「靠攏」，義近「靠」

　　「靠」，義近「向」

　　那廣東人所用的「埋」字也有以下的意思：

　　閉、靠、向

　　據此，廣東人創造了不少相關的粵語方言用詞：

　　「合埋把口」，相當於閉上嘴巴；「埋口」，指傷口閉合，相當於傷口愈合；「開口埋口」，相當於指開口閉口，比喻不停的說、時常的說同一個話題；「冚埋個蓋」，相當於把蓋閉上；「閂埋道門」，相當於把門閉或關上；「瞌埋眼／眯埋眼」，相當於「合／閉」上眼（「瞌」讀「合」，本字也是「合」；「眯」讀「美3-1」）。

　　「埋站」，相當於靠站，亦可理解作公共車輛駛「入」站頭；舊時有所謂「火船埋頭」，相當於船隻靠岸，亦可理解作船隻駛「入」碼頭（舊時的輪船是靠蒸汽推進的，蒸汽則由燃燒煤炭而形成，燃燒時有「火」，因此「輪船」有「火船」的俗稱）。「埋街食井水」，即埋岸後上街吃井水，指舊時的水上人不做艇戶，上岸定居去；後借喻妓女從良。

　　「行咁埋」，相當於靠那麼近。

　　例1：同你唔係好熟，唔好行咁埋！

　　「埋身」，相當於靠近某人，也指靠攏某人以謀取利益。

　　例2：好多人以為埋到香港首富身邊就肯定有多少着數。我就話要腳踏實地，唔使靠人嘅！

　　「企埋一便」，相當於「靠邊站」。「靠邊站」也用以諷刺人如非事件中的主角，最好不要作任何形式的干預，如給意見。

　　例3：所謂「家家有本難念的經」，人哋兩公婆嘅嘢我哋知得幾多，至好就「企埋一便」嚹！

　　「行埋嚟」，相當於向我這方行過來。

　　例4：BB，行埋嚟，畀輝哥哥錫啖！

　　「撼頭埋牆／扻頭埋牆」，相當於把頭撞向牆，也形容人自討苦吃。「撼／扻」，粵方言用字，正字不可考，讀「坎」，有撞擊的意思。

 例5：我一早提咗你佢唔係好人，你仲要同佢交往，咁咪「撼頭埋牆」囉，唔怨得邊個！

　　有人在做錯事後會「揼心」，也有人會「撼頭埋牆」，以示懊悔。

　　【「粵語方言用字：埋」之十】

香港資深出版人 梁振輝