圖：李華明在立法會選舉期間以個人名義為狄志遠拉票（上圖），當時狄志遠還在社交平台貼出兩人的「陳年合照」（下圖）多謝老友支持。

　　一個參選立法會嘅成員都冇嘅「夕陽」政黨，用乜嘢博眼球？民主黨選擇「懲處」黨員。該黨前立法會議員李華明因在立法會選舉期間，以個人名義支持新思維主席狄志遠參選，被紀律委員會建議凍結其黨籍半年。李華明表示，接受紀委聆訊時有承認違規，但只係做咗自己認為正確的事，係「違規達義」。佢認為自己「在公在私都無錯」，狄志遠最終在社福界當選，證明他在社工之間獲得支持，總比黨友李洪波支持「輸得一敗塗地」的劉卓裕好啦！

　　民主黨非但唔畀自己黨員參選，黨員撐下自己老友都唔畀，「規矩太多」點留得住人？李華明批評如今民主黨「看法與偏激後生仔分別不大」，直言「玩政治唔係咁樣玩，要識向前、退後、有妥協」，認為自己與領導層意見不合，在黨內發揮不到功能，「我喺度做乜？」

　　對「上訴」流程無信心

　　不僅如此，黨內似乎還大搞「埋堆」、「排擠」，李華明透露，中委會有人對他相當敵視，才破壞保密協議，向傳媒爆料他的裁決消息。

　　李華明說，自己晚上7時收到通知裁決電郵，未幾已有記者致電，顯然是中委會有人爆料。雖然處罰流程上寫住「七日內可上訴」，李華明對此不屑一顧，反問：「中委的上訴機制，我有無信心呢？」\鄭晴