圖：有「鍵盤戰士」出「屎橋」，建議「手足」若無錢，可考慮移民印度或菲律賓，網民恥笑呢啲人隨時可借「外傭」身份，重返香港\網上圖片

　　香港國安法排在全國人大會議議程後，不少「黃絲」已急急謀「着草」，甚至有鍵盤戰士出「屎橋」，建議「手足」想移民又無錢，可考慮去印度或菲律賓等地做二等公民。放棄香港，「黃絲」當然做得出，話唔定未來仲可用「外傭」身份，返嚟香港打工呢！

　　妄想症上身

　　據「黃絲」推薦，印度或菲律賓生活指數低，樓價又平，建議想移民的港人多加考慮。殊不知建議即時被人當笑料，有網民仲「教路」，話入籍後若然思「香」情切，可試下以外傭身份，申請回來香港打工，懂粵語者更受僱主青睞，逢星期日仲可「佔中」──中環聚會。

　　不過，唔好以為移民呢兩處好容易，據了解，例如投資移民印度，要在18個月內投資約150萬美元，同時每年都至少要創造20個本地職位。菲律賓就簡單啲，據移民顧問資料，只要年滿35歲兼僅需二萬美元便可，但似乎年齡要求已將一堆「廢青」拒之門外。

　　等鄭晴同大家再講下，香港國安法只約束四類嚴重危害國家安全的行為和活動：分裂國家、顛覆國家政權、組織實施恐怖活動等行為，只要大家正正常常不搞事，根本毋須擔心觸犯法律。港人集會、遊行、示威、新聞、言論等基本權利，一律照舊。

　　話說回頭，何解「黃絲」要想盡辦法「着草」？到底是被害妄想症「上身」，抑或「身有屎」作賊心虛？大家自己諗吧！