圖：暴徒經常在暴亂中堆放雜物縱火堵路，十月四日最黑暗一夜，更有暴徒趁亂截車向司機索錢

　　十月四日簡直係香港最黑暗一夜，陷入儼若無政府狀態，暴徒群魔亂舞，放火堵路，甚至傳出趁亂打劫司機收「買路錢」，發暴亂財！

　　抄低車牌 搶五千元

　　鄭晴發現有車主喺WhatsApp群組分享朋友的恐怖經歷，佢個朋友話當晚駕駛七人車，途經藍田匯景迴旋處時，突然遭數名「曱甴路霸」攔車截停，要求查看其銀包及電話，又問佢居住何處，佢朋友驚慌下回答住喺藍田，暴徒查看後話「無問題」，但要抄低司機的姓名同車牌，仲順手攞走咗佢銀包內5000元現金，狂言「革命成功十倍奉還」，之後才放行。司機其後報警，遇劫全程被裝在車內的攝錄機拍低，佢大嘆：「而家真係無法無天！」

　　原來「曱甴路霸」滿街流竄。另一名女車主K喺某車主WhatsApp群組訴苦話，佢喺東區走廊銅鑼灣方向被暴徒截停，畀咗100元過路費始獲放行，前面多輛車都被「曱甴」截停，付錢後才放行，她留言問：「根本而家係無政府狀態，點解唔戒嚴。」仲話不敢駕駛掛兩地牌車輛，暫時用另一輛汽車代步。

　　鄭晴聽到好震驚，呢個最黑暗一夜，暴徒無法無天，搶劫勒索，喪盡天良。香港現在變成黑衣蒙面人話事嗎？