圖：麥耀邦指出，興趣中寫明喜歡如足球與籃球的女生，較受配對異性歡迎

　　很多人以為睇波只是男人的天地，大部分女人不懂；即使「睇」，也只為「睇靚仔」。「太離地吧！」真正女球迷CoCo如此評論，她直斥這種看法，帶有點羞辱女性成分。

　　「今時今日，仲講睇波只係男人嘅世界，有冇out啲呀！我身邊不知幾多女士鍾意睇波，而且識波程度，絕不比男士差。」30多歲的CoCo自小喜歡足球，不時會走到球場「跟隊」踢足球，她最喜愛球星是碧咸，最喜愛球隊是曼聯，今年世界杯，她捧英格蘭。「唔好以為我當年鍾意碧咸係因為佢靚仔，而係真心覺得佢球技一流，佢射到嘅罰球，而家除咗C朗冇人能及。」

　　男人要問返我球員叫乜名

　　CoCo在沙田大圍一間酒吧工作，因利成便，她可以睇足64場賽事，「我覺得興奮㗎！可以一邊睇波一邊賺錢，冇得彈。」她亦很自信自己的足球知識，絕不遜色於任何一位前來睇波的男客人，「唓！邊個話個個男人都識睇波啫！好多話識其實係嚟趁熱鬧，有啲仲要問返我嗰個球員叫乜名。」

　　CoCo認為世界杯是全球盛事，人人也可參與，根本不應分男女。四年前，到酒吧睇波的女顧客大都是陪男友來，今時今日，女球迷三五成群相約到酒吧觀看賽事，已是平常。足球，不再是男人的世界。