圖：Kiny與Winnie希望藉參加速成班，了解足球多一些

　　世界杯，何以俘虜男人心？有配對公司抓緊這股足球狂熱，近日舉辦「標準女球迷」速成班活動，由資深足球教練「領軍」，講解足球規則與睇波注意事項等，讓女學員更加了解「男人心」。大公報記者實地採訪，見到女學員都聽得非常入神，她們誓要打破「睇波」專屬「男人世界」的觀念。/大公報記者方學明（文） 林良堅（圖）

　　我一直都想識點樣睇波

　　活動在觀塘工業區一間共享辦公室空間的公司內進行，約有15名女學員，普遍對足球賽都不甚了解，適逢四年一度的世界杯，她們當中有的為了融入盛事而來，也有為想陪伴另一半睇波時不會一頭霧水而來，亦有真心想深入了解足球，誓要打破向來睇波只屬男士專利這約定俗成的觀念而來。

　　30多歲的Winnie，是一位皮紋分析師，她是以上最後的一類。「其實我一直都想了解足球，但唔係真的要落場識踢波嗰種，而係想識點樣睇波，但一直無機會，最近知道有呢間配對公司搞免費速成班，咪馬上報名嚟學囉。」

　　我想知啲人跑來跑去為乜？

　　Winnie已婚，她的另一半也不熱衷睇波，推動她來的動力，只是一份好奇心。她斬釘截鐵地說：「是一份好想了解足球員喺球場上跑來跑去嘅拚搏精神。」

　　原來她早已想了解足球活動。以前陪前男友「睇波」，只有他和一班男人興奮大叫，對於不懂足球的她來說，無法投入享受睇波樂趣。「我都好想愛上足球，但無人話畀我聽點去愛上它，我咪自己搵方法囉。」

　　睇波時跟住男友一齊大叫！

　　Kiny是另一學員，今年30多歲，任職公關，世界杯是城中熱話，她的工作常有機會涉及這個範疇，為免「離地」，被人問起時一頭霧水，於是走來上課，了解球賽規則，「我嘅工作係搞活動，以往都好多時做一啲同足球有關嘅活動，但因為自己唔係太熟足球關係，而蝕底咗。」

　　記者隨意詢問Kiny一些非常簡單的足球問題，她馬上答得出碧咸的國籍是英國，但美斯和尼馬，她卻誤以為是西班牙人。「我識就唔使嚟上速成班啦！就係因為唔識，先嚟學。」Kiny有個喜歡睇波的男友；記者問她情侶檔睇波時，如何令自己投入？Kiny說：「總之佢大叫時，我跟住佢一齊大叫咪得囉！」爽！