高鐵利民，但反對派在立法會「一地兩檢」條例草案委員會開會時不斷重複發言，令會議「龜速」進行，隨時搞到延遲通車，得失市民。民主黨塗謹申昨日又不理內容，明明大會講到圖則問題時，他就扯開話題，最終辣㷫一向率直敢言的蔣麗芸（Ann姐），將塗謹申「剷到上天花板」。
事緣昨日開會，雖然主席葉劉已經就發問畫線，但都好寬容畀反對派多問幾題，但他們問得顛三倒四，明明問第四條，忽然又翻轉頭問第三條的內容，糾纏成個鐘，終於到立法會法律顧問針對西九龍站草圖提問，之後便可開始討論第五條，豈料塗謹申假意話自己都要問草圖，卻只重複之前討論過的法律問題。
Ann姐這刻終於忍無可忍，質問塗謹申「自己作為律師都唔守規矩」，仲搞到其他人無機會就第四條發問。立法會「新鮮人」鄭泳舜都「睇唔過眼」，出聲批評反對派不跟規矩。塗謹申無咪下大聲辯駁，最終要葉劉出馬，提醒議員針對第四條條文發問，才能調停小風波。鄭晴見到反對派這樣擾亂議會，不禁小市民心態問一句，究竟幾時有高鐵坐！
