「借錢梗要還，咪畀錢中介」不斷重複的忠告，警惕人切勿誤墮吸血財務中介的陷阱。政府去年收緊放債人條例，加強規管放債人，禁止中介公司收取借款人任何費用，但財務中介吸血個案仍時有發生。《大公報》訪問一名受害借款人及一名曾任中介多年的人士，拆解吸血財務中介背後運作內幕。/大公報記者 李文威

　　政府收緊放債人條例後，工聯會立法會議員麥美娟表示，工聯會接獲涉及不良中介的求助個案回落，但每宗個案涉及的金額卻有上升跡象。麥解釋：「以前每個月都有幾宗個案，但而家每個月得一至兩宗，但詐騙的金額就高咗，可能佢哋想搵快錢，呃完錢就消失。」

　　月供款一萬變三千 邊有可能？

　　二十多歲的陳小姐拖欠卡數，在數間財務公司申請分期貸款，每月供款近萬元。她憶述數個月前接聽一名自稱「銀聯中心」職員的電話，對方聲稱可提供減息優惠，要求陳小姐到尖沙咀一間公司辦手續。「上到去原來係中介公司，但職員話做完債務重組，供款可減到三千幾蚊，重組初期要捱幾個月貴息，等信貸紀錄好返，條數就可以轉去銀行，減返啲息。」陳小姐相信了謊言，分期支付了二萬多元「手續費」，但數個月後減息的承諾落空，中介亦無影無蹤。

　　從事中介五年的KK（化名），曾開設四間財務中介公司，但否認是不良中介。他認為借款被騙一般是因為「衰貪心」，相信不切實際的謊言。他解釋：「月供一萬變三千，係冇可能的事。」他指中介公司分為三個部門─電話推銷、「刀手」及「對會」。電話推銷負責按照特殊途徑獲得的顧客名單尋找客源；「刀手」顧名思義負責「劏」客，即接見客戶；「對會」則為客戶尋找適合的放債公司。KK指：「最重要係個客肯上嚟，所以打電話嗰個分多啲，搵到嘅錢可以分30%；『刀手』一般分8%；『對會』一般計月薪。」

　　陳小姐個案中，有人冒充「銀聯中心」職員，KK表示：「啲電話係嚟自『鬼場』，即係內地嘅電話推銷中心，因為唔喺香港境內，可以冒認係銀行或知名財務機構。」廣州、茂名及中山都有大量電話推銷中心，要求廣東籍職員利用純正廣東話向港人推銷。內地電話推銷中心介紹客戶後，會抽取五成收入作為佣金。KK表示：「中介公司一般唔敢畀少咗，個客好容易向推銷中心透露畀咗幾多錢，如果對方唔畀客你，仲得不償失。」

　　「仔」持牌 榨乾債仔人去樓空

　　不少不良中介騙取手續費後便失蹤，KK指不法中介一般會尋找一名「仔」擔任持牌人，承擔法律責任。他解釋：「有人專門幫中介公司搵『持牌人』，中介公司每個月畀一萬，介紹人收三千，仔收七千，出咗事都搵唔到真正負責人。」他指不良中介一般不會自稱是財務中介，一般會化身為「會計事務所」、「信貸權益事務所」或「理財有限公司」掩人耳目，且營運最多半年，待收盡「手續費」後便人去樓空。

　　追溯財務中介公司歷史，KK指：「十年前就有財務中介，當時得兩間大型中介公司，啲職員見中介好搵錢，所以就自己出去開公司。」他指其中一間大型中介公司的負責人，發現員工流失率大，於是順水推舟，向有「上進心」的員工提議合資開設新公司，以合股人分享盈利，中介公司亦猶如連鎖店愈開愈多。經營財務中介利大成本低，KK笑指「唔使勤力，一個中介每個月都賺三、四萬蚊！不過，好嘢自然多人爭，仲冇規冇矩，結果做壞咗個市。」