大公網訊 (記者龔學鳴報道) 工黨日前爆出胡穗珊辭去主席兼退黨，原來同何秀蘭有關，今日又有新發展啦！工黨今日又發表聲明，就即刻轉軚，喺尋晚召開特別會議，發覺紀律委員會處理投訴有失當之處，而執委會會寫檢討報告喎。工黨認為常委會同執委會未有妥善處理，需要負責。另外，執委何秀蘭作為涉事者，必須按照政治倫理負政治責任，並在特別會議上主動辭去執委及副秘書長職務。
之前何秀蘭乜都唔回應，今日終於發出聲明，不過就句句都有骨，話「我是涉事一方，被主席將會議上的批評意見展開投訴，令人遺憾」然而，因為政治倫理，要負上政治責任，佢已於尋晚辭去執委職務。佢仲話，祝留守工黨的年輕黨友茁壯成長，並以民主胸襟發展工黨。誰是誰非，大家判斷啦！市民嘅眼睛係雪亮嘅，睇下而家立法會得返一個工黨議員就知啦！
