「案底令人生變得更精彩？」身為大律師的公民黨黨魁楊岳橋，日前聲援被改判入獄8至13個月的反新界東北13人晚會，竟然講咗呢句「風涼話」。哇！咁歪嘅歪理都講得出，畀人圍插是常識吧，網上鬧爆佢嘅留言仲精彩！
網民留言：你唔入去坐下？
鬧佢鬧得最大聲嘅，竟然係支持反對派嘅網民，睇下嬲嬲留言：「講到咁精彩你唔入去坐下」、「做律師講呢啲說話，你試下同個客咁講啊」、「『泛民』就是以年輕人犧牲自由和前途，去換取自己的議席和利益的一群道貌岸然的衣冠禽獸。楊岳橋是不會犧牲自己的政治事業和法律專業，去監獄體驗『精彩人生』。」
民建聯立法會議員何俊賢亦喺Facebook留言批評，「留案底會令人生更加精彩？你精彩一次畀我睇下得唔得？律師點可以講啲咁嘢？你咁做只會令更多年輕人的價值觀被扭曲，都會覺得『我為社會而犯法被留案底是光榮、是精彩』，然而，他們的人生也精彩地被毀了。」鄭晴覺得，楊岳橋不單止語不驚人死不休，仲畀人存心靠害青少年嘅印象。豈有此理！
鄭晴
