圖：全城街馬宣布「啤酒跑」取消供應啤酒/資料圖片
「全城街馬」去年搞咗一次啤酒跑（Beer Run），今年又想繼續搞一次。其實聽落跑步配啤酒都幾得意，話唔埋會吸引一班啤酒友，但係今年呢個發布會消息出咗之後，好多人都關注起健康問題，覺得跑步就跑步啦，就唔好飲啤酒跑，始終都覺得啤酒傷身，都唔係好符合跑步嘅健康理念。所以「全城街馬」就馬上取消咗供應啤酒，啤酒跑就照跑，但係啤酒就無得供應啦，真係名副其實嘅「啤酒跑無啤酒」。
其實講開又講，啤酒跑都唔係香港發明，源於英國倫敦北部，佢哋搞咗場「啤酒一英里跑賽事」，參賽者要喺運動場跑四圈，每跑一圈前都要飲一罐355毫升嘅啤酒，比賽過程嘔吐就唔計分㗎啦，而這項賽事竟有位加拿大嘅選手，以4分34秒打破咗個世界紀錄。
