梁美芬下月會離港兩至三星期。
大公網7月28日訊（記者 龔學鳴）：特區政府早前公布咗「一地兩檢」方案，立法會內務委員會亦已安排響8月3日召開特別會議，討論「一地兩檢」方案。經民聯立法會議員梁美芬（Priscilla）話，自己到時會要求政府交代，同內地當局簽訂合作安排嘅時間表；又透露自己為咗出席會議，推遲咗離港旅行嘅計劃。
趁住立法會放暑假，唔少議員一早已經安排好出外旅遊，連Priscilla都唔例外。佢話，出席完內會特別會議後，就會離開香港兩、三個禮拜，首先會去美國探囝囝，之後就會一家人坐遊輪遊加勒比海，最後就會返到美國，去路易斯安那州立大學演講，介紹香港嘅法制。
