教育局局長楊潤雄尋日出席書展活動時，與盛傳會出任教育局副局長嘅教聯會副主席蔡若蓮「狹路相逢」！難得兩個同場，自然又畀人問起副局長人選花落誰家。楊潤雄講到，政府依家仲考慮緊副局長人選，會響適當時候公布，至於蔡若蓮係咪佢心目中嘅合適人選呢？楊潤雄話唔適宜對任何人做評論，不過呢，佢話挑選問責官員主要係考慮能力同能夠發揮嘅作用，政治取向同背景是其中考慮因素之一，強調政府會作整體考慮。
至於蔡若蓮自己點睇呢？佢話，對佢嚟講任何崗位最緊要服務到香港中、小學生和教育界，至於邊個做副局長都好，最緊要係必須關心學生需要同關注香港嘅教育問題。睇嚟誰是教育局副局長之謎仍然未能解開，大家仍要拭目以待了。
