廠商會行政總裁楊立門表示，廠商會將於今年九月底前往武漢舉辦工展會
大公網7月18日訊 記者龔學鳴報道：前民政事務局常任秘書長楊立門日前獲委任為香港中華廠商聯合會行政總裁，到底有咩大計呢?佢今日就係傳媒飯局話，加入廠商會之後，其實都無咩磨合期，因為過往在政府工作，都經常接觸商界人士，所以都無話適唔適應。嚟緊廠商會計劃係國內唔同城市舉行工展會，例如今年九月底就會去武漢，出年可能去廣州、西安或者瀋陽。至於本地事務，廠商會下星期約咗勞福局局長羅致光傾取消強積金對沖問題。
不過，即使工作有啲忙，但佢之後亦都會舉行演唱會嘅。楊立門仲話，用商業模式開演唱會係因為認真唱歌，啲觀眾買飛入場，得到嘅係一份認同感。
