大公網7月5日訊(記者 龔學鳴)宣揚「港獨」不成、結果走去美國「進修」嘅本土民主前線發言人梁天琦,近日又有新搞作,同埋「民主阿婆」陳方安生一齊去英國出席研討會。據「文政網」Facebook專頁顯示,研討會以香港回歸20周年為主題,梁天琦同陳方安生分別響會上談及香港本土主義運動同香港民主嘅未來等議題。
雖然專頁未有進一步引述梁天琦同陳方安生的發言內容,不過網上已經罵聲四起,唔少網民都響Facebook俾「嬲嬲」,批評兩人又再去外國唱衰香港,係「漢奸」。其實,陳方安生已經淪為過氣政客,梁天琦又被香港人唾棄,兩個人去外國奢求「乞援」,仲邊有影響力吖?