大公網訊 (記者龔學鳴報道)行政長官林鄭月娥自從贏咗之後，到底林太丈夫林兆波應該用咩名銜呢?「第一先生」?林生話好抗拒呢個稱呼喎！不過，政府行政署嘅總務通告終於解決咗呢個疑惑。
今次有女特首，政府嘅官式文件稱呼都要改變。呢份總務通告都有提到，喺正式場合、官方和法律文件，要稱呼林太做「行政長官林鄭月娥女士」，唔好用「閣下」。如果要致函俾林太，就要寫明「中華人民共和國香港特別行政區行政長官林鄭月娥女士」。至於正式場合稱呼林太，就要叫「行政長官」或「林太」。
咁林生呢?通告話，在正式場合、官方和法律文件，用「林兆波博士」或「林博士」就得喎。至於二人同場，就要用「行政長官林鄭月娥女士及她的丈夫林兆波博士」。非正式場合就用「行政長官及林博士」，但千祈千祈千祈唔好用「伉儷」，因為「伉儷」之前都會加上丈夫嘅嘅姓氏，但行政長官地位尊貴，所以「伉儷」兩字唔適用。
