圖：駐軍貼心準備小禮袋 大公報記者林良堅攝
解放軍駐港部隊閱兵儀式尋日喺石崗軍營盛大舉行，為咗確保活動安全、順利，保安措施當然要做足啦。根據安檢提示，諸如各種液體、膏狀物品，及俗稱「尿袋」嘅手機充電器同埋火機、香煙等都係禁止帶入場嘅。不過，對於記者工作要用到筆，安檢人員都好理解，仲喺現場向記者派筆添。
尋日艷陽高照，石崗溫度高達攝氏31.7度，駐港部隊照顧來賓嘅需要，好貼心咁為大家準備了一個小禮袋，入面有水、毛巾、雨傘、太陽帽、風油精、餅乾、國旗同區旗。不過受閱嘅駐港部隊士兵，就要忍受烈日當空喇，佢哋提前約一小時步入閱兵場，列隊等候，高溫下不少士兵汗流浹背，但立姿英挺，巍然不動，盡顯堅強軍容意志，鄭晴真係好敬佩。
