大公網6月27日訊（記者 龔學鳴）：香港即將迎來回歸祖國20周年紀念日。新華社推出咗一首粵語「神曲」，首次透過廣東話Rap（說唱）嘅形式唱好「一國兩制」。當中提到，國旗同區旗響1997年7月1日嘅回歸大典上升起，形容係「降落咗屈辱，升起咗主權」。
短片一開始，一位女教師就同佢嘅學生講，話要迎接一個「好大好大嘅考試」，係關於香港同「一國兩制」，學生就口窒窒咁話「觸碰到我知識嘅盲區」。之後，老師就Rap住向同學介紹香港，例如即使香港經歷過金融危機，但依然表現良好；又落實咗深港通同滬港通等。老師亦有介紹香港嘅美食，例如有「香到爆」嘅雞蛋仔。
片中亦出現一位男聲，介紹由國家授權俾香港嘅「大禮包」，包括行政管理權、立法權，以及獨立嘅司法同終審權，但係響外交同軍事方面就冇「管理員權限」，「有事請呼叫中央政府啦」。
短片剪輯了部分香港回歸大典的片段。
短片強調香港是中國不可分割的一部分。
新華社推出短片唱好「一國兩制」。
