圖：一眾嘉賓出席「戒煙大贏家」午宴社區計劃啟動典禮
吸煙有害健康！依家好多團體、組織都搵唔同嘅方法，希望可以幫助市民戒煙。由香港吸煙與健康委員會舉辦嘅第八屆「戒煙大贏家」無煙社區計劃尋日正式啟動，食物及衛生局局長副局長陳肇始、衛生署控煙辦公室主任李培文、香港大學護理學院副教授李浩祥、香港吸煙與健康委員會主席鄺祖盛同埋副主席伍婉婷擔任主禮嘉賓。
記住三大戒煙秘訣
上屆「戒煙大贏家」冠軍獲得者林藝蕾亦到場支持並分享其戒煙經歷。佢煙齡超過廿年，為咗改善自己同個仔嘅氣管毛病，仲想生多個BB，先至諗住戒煙。
除咗接受戒煙服務機構嘅專業輔導，佢自己都會設立啲小目標，好似「一日唔吸煙」，跟住堅持，最終攞到呢個獎。戒煙成功之後，林生話，「呼吸順暢咗，家人仲開心」。港大護理學院副教授李浩祥仲畀「三大戒煙秘訣」啲戒煙者，定下戒煙日、爭取親友支持、分散注意力。
「戒煙大贏家」招募活動即日起至九月尾於全港十八區進行，參賽者可以選擇「參與大抽獎」或者「戒煙大使」組，除咗免費嘅戒煙輔導，成功戒煙嘅幸運兒更有機會贏取豐厚獎品。
