圖：容海恩拍片分享佢嘅粉嶺聯和墟美食之旅\網上圖片
香港十八區，區區都有美食。新民黨立法會議員容海恩（Eunice）早前就到粉嶺聯和墟品嘗多款區內美食，包括豬手麵、雞髀包同埋腸粉等，仲拍埋片同網民分享佢嘅美食之旅。
除咗「食好西」，Eunice中介紹咗區內地標、被列為三級歷史建築嘅聯和市場。佢話，聯和市場喺1951年建成，2002年停用。舊年年底，發展局推出嘅第五期活化歷史建築夥伴計劃，就聯和巿場在內嘅五棟建築收集咗唔同團體嘅計劃書，預計2018年上半年會公布評審結果。Eunice話，以前聯和市場一帶好繁榮，市場內外都有好多攤檔同美食，自己都期待活化工程開展，希望聯和市場盡快有新面貌畀大家見到咁話。
