青年民建聯（青民）前晚選出第七屆委員會嘅新領導層名單，主席繼續由顏汶羽（Frankie）擔任，而副主席就由關浩洋、招文亮、林琳、張思穎及胡綽謙出任。
新一屆青民有唔少新嘅面孔，例如副秘書長陳壇丹、植潔鈴、蕭煒忠、賴嘉汶、鍾秀賢同鍾健峰全部都係新加入青民，而16名委員當中，亦有多達12位係新加入嘅委員，有咁多新血，一定活力大增。
Frankie話，新一屆青民委員會有多名之前參加過義工隊、辯論隊同青民沙龍嘅新人加入。佢期望新一屆委員能為青民帶來新思維，大家肩負起青民嘅使命，為民建聯培養更多政治人才。Frankie又話，希望大家收集到更多唔同背景青年嘅意見，做到真正反映青年心聲，畀青年人可以參與其中，議政論政。
