大公網6月5日訊（記者 龔學鳴）：香港嘅飛鏢運動發展愈趨成熟，吸引唔少年輕人參與，近年仲有愈來愈多本地選手響國際舞台亮相添。第一屆香港國際飛鏢節將於下月14同15號響九龍灣國際展貿中心舉行，邀請來自中國、日本、韓國等八個國家及地區的頂尖飛鏢選手參加國際飛鏢邀請賽。適逢今年係香港回歸20周年，大會仲特意舉辦名為「回歸杯」嘅隊際邀請賽，邀請香港嘅紀律部隊同團體機構組隊參與。
自由黨黨魁鍾國斌（Felix）擔任第一屆香港國際飛鏢節開幕禮嘅主禮嘉賓。佢話，飛鏢係一項好正面嘅運動，如果香港能夠有多啲高水平選手出現，一定能夠令社會更加重視。佢仲話，飛鏢有潛力成為香港推廣「運動旅遊」嘅其中一個項目，好似國際七人欖球賽咁，吸引高消費旅客來港添。
