「陳太，幫我睇住個女，我去買餸先！」呢句對白，以前成日出現喺香港大大小小嘅屋邨入面。當時鄰居關係好，守望相助，唔似而家咁生疏。查實鄭晴連隔籬屋姓乜都唔係好記得。
勞工及福利局局長蕭偉強尋日喺網誌講開「社區投資共享基金」，就講到自己細細個曾經歷過住「板間房」的日子，佢形容當時就好似「七十二家房客」咁，一屋七、八伙居於一個唐樓單位、共用廚房及廁所。
蕭局長仲講到，上世紀五十、六十年代，居民之間人情味濃厚，一屋八伙輪流共用一個廚房，今日你借棵蔥畀我，明日我畀返鹽你，同屋小朋友打成一片。不過，時至今日居住環境改變，人同人關係就變得疏離。
其實為咗增強社區凝聚力、幫助弱勢社群編織互助網絡，政府係2002年成立「社區投資共享基金」，基金到而家已經批出4.5億元支持331個計劃。
