大公網5月29日訊（記者龔學鳴）講到颱風，大家第一反應咁喺唸住放假，但「三號風球」、「八號風球」等數字颱風信號又喺幾時開始有嘅呢？原來今年已經喺本港數字颱風信號問世嘅一百周年，香港郵政為咗紀念，宣布將於下月十三日發售一套以「數字颱風信號百周年」為題嘅紀念郵票及相關集郵品，並喺後日開始發售首日封。
郵票一套五枚，分別展示現時採用嘅數字颱風信號系統，包括一號戒備信號（一元七角）、三號強風信號（二元二角）、八號烈風或暴風信號（二元九角）、九號烈風或暴風風力增強信號（三元七角），同十號颶風信號（五元）。
不過，香港嘅颱風信號系統最初只有一至七號，之後經過多次改良，於1931年改為一至十號。之後經過多次改良，到1973年再把整套信號改成現今採用的信號系統。所以今次郵票小型張嘅左方顯示過去喺香港天文台總部懸掛十號颶風信號時嘅情景，右方則展示香港於1917年、1931年及1973年採用嘅數字颱風信號系統，讓人了解百年信號系統嘅演變，真係又有紀念價值，又可以學到嘢啊。
以「數字颱風信號百周年」為題的郵票、郵票小型張、珍貴郵票小冊子和特別郵戳
