圖：咁就可同美國隊長瘋狂selfie啦 /受訪者供圖
Marvel Fans要留意喇！今年暑假香港迪士尼樂園唔單止會有「Marvel夏日超級英雄」，可以同美國隊長、蜘蛛俠一齊自拍，仲會有一個全新Marvel主題體驗館，可以體驗黑寡婦、鷹眼、雷神托爾、奇異博士及星爵，聯手對抗惡勢力嘅場面。不過，鄭晴覺得最正嘅都係香港迪士尼樂園推出限定「學生專享：夏日通行證」，符合資格嘅香港學生，可以759蚊購買夏日通行證，即可由即日起至八月上旬，一連11個星期，無限次暢遊樂園。
鄭晴計過數，而家香港迪士尼樂園小童入場門票都419蚊，先可以入場玩一玩，用咗呢款「學生專享：夏日通行證」入園兩次已經「抵返」！活動期間，買到夏日優惠學生仲可以喺指定期間免費換領個人神盾局特工身份證，成為神盾局一分子，Fans今次就唔好走寶喇。
