圖：有人為咗等人而將車停低馬路中間，造成「大塞車」
返工放工高峰時，路上有啲塞車唔出奇。但係，如果有司機為咗等人而將車停低馬路中間，人為造成「大塞車」，真係好嬲。
尋日宴晝兩點半，鄭晴就接到爆料，喺炮台山港鐵站對面嘅英皇道，有一架車牌為U××××5嘅私家車，開到斑馬線前面，突然停低，綠燈亮咗都唔走。
兩個字之後，後面「車龍」已經排到天后，喇叭聲不斷。有後面嘅司機上前理論，但一個卅幾歲的着背心嘅紋身漢不為所動，堅決不開車之餘，後來見到犯眾憎啦，竟然打起死火燈。
佢喺成半個鐘後，等到一名女郎上車先開車走。其他市民莫不搖頭側目，大嘆真冇公德心。鄭晴就想同呢位仁兄講聲，查實香港出曬名人多車多路又窄，儘管如此交通暢通度仍然舉世知名，梗係唔止靠制度啦，更加唔少得係港人的高素質囉。
