圖：游蕙禎母親節嗰日有錢買花派，但就仲拖欠緊立法會186萬，網民叫佢速速還錢 /資料圖片
啱啱過去嘅母親節有唔少慶祝活動，不過青年新政嘅游蕙禎（Cheap禎）派花就引起民憤，皆因佢同黨友梁頌恆舊年宣誓辱華播「獨」，被取消立法會議員資格，仲欠緊立法會186萬港元嘅議員酬金及辦事處預支營運資金未還。
有網民就質疑游蕙禎有錢買花嚟派，點解唔回水，又話「要做孝順女嘅話，欠全港市民就要立刻還。唔好再拖」。仲有網民譏諷佢被褫奪議員資格後一直失業：「你好好搵返份工，阿媽就開心喇。」
聽講游蕙禎同梁頌恆租落嘅私竇，業主要放盤出售，睇怕游梁要再搬竇嘞。
