圖：由維港兩岸全景放大至尖沙咀文化中心，遊人一樣清晰可見！/網上圖片
攝影極高清可以去到幾盡？內地創意攝影同雲數據處理創新企業就開創先河，首創249億極高清攝影技術，即係用世界頂級嘅量子技術249億畫素，拍攝出超超超高清照片。企業又以雲端技術將影像上載，畀網民睇清睇楚。
其實一幅大像素全景係由幾千張照片拼接而成，所以精度係傳統相機照片2000倍以上，數據容量更達到了幾百GB，但相片就能夠影低極為精細嘅細節。
呢間企業將大像素創意攝影應用喺商業，先後為內地多個市政府創作百億像素「互聯網城市名片」，將唔同城市嘅風貌特色同網民分享，嘗試用一張圖解釋一座城，將城市宏觀規劃同居民微觀生活完美統一。企業最近更加為香港拍攝咗獨一無二嘅名片。
香港嘅互聯網城市名片由港島太平山頂拍攝，影嘅主要係維港兩岸景色。鄭晴睇過之後真係覺得好神奇，由太平山頂望去維港對岸，無論係尖沙咀文化中心海旁嘅遊人，定係觀塘繞道嘅行車都清晰可見，成功將香港嘅風貌鉅細無遺咁紀錄低！
鄭晴試過，真係清到連自己屋企個窗都睇到！如果你都想體驗下，可以上去http://www.bigpixel.cn/，大家一齊睇啦！
鄭晴
