圖：唔少網民認為新九巴似倫敦巴士
九巴轉行「復古」路線，巴士顏色由「金巴」走進「紅巴」！話說九巴尋日喺fb專頁直播中，宣布新一批巴士的外觀，巴士車身底色改用懷舊「九巴紅」配以銀色拉花線，唔再係沿用嘅香檳金色，內部車身採用仿木隔板，配有USB充電插頭，座椅改為啡白色，設計配合亞洲人身形。特別嘅係，車頂印有KMB LOGO及「城市脈搏」四個字，以拉花畫出香港維港天際線，寓意城市道路像血管，九巴就係血液咁話。
其實九巴喺上世紀50年代嘅車身都係以紅色為主調，之後經歷米白色、「白板」空調巴士以至近年嘅金巴，巴士迷與網民大讚顏色夠SHARP，唔少覺得似倫敦巴士，亦有以前「熱狗」及新款龍運巴士嘅影子，風格復古得來有格調。新一批「紅巴士」目前喺馬來西亞廠房，預計七月嚟到香港接載市民，鄭晴好期待到時佢哋為市區帶來一番新氣象。
