圖：林健鋒（左）和石禮謙（右）為張華峰（中）慶生/大公報記者石璐杉攝
尋日係經民聯副主席、金融服務界議員張華峰（「肥老闆」）65歲生日，「肥老闆」嘅黨友、行會成員林健鋒（Jeffrey）特登設宴為佢慶生，仲請來石禮謙和梁美芬兩位經民聯議員及傳媒朋友一起開心嚇。Jeffrey仲訂製一個蛋糕，寫住「再創高峰」，真係啱曬「肥老闆」。
身為金融服務界代表，「肥老闆」嘅三個生日願望有兩個都同業界有關，一係佢嘅「摯愛」─港交所股票可以成交上千億元，二係爭取交易市場第三板可以盡快開，仲話想快啲有「新股通」；最後就係香港大團結，人人都好似佢咁，成日都開開心心！今年係香港回歸祖國20周年，「肥老闆」仲透露，金融服務界六月中會有大型慶祝活動，除了本港業界人士，仲會邀請內地的代表來港交流。
