大公網5月2日訊 （記者龔學鳴報道）今期又有新款郵票推出啦！香港郵政今日宣布，一套以「戶外活動樂趣多」為題嘅特別郵票及相關集郵品將會喺五月十六日推出發售。好多人以為香港只係一個好繁忙嘅大都會，但其實香港各區都有舉辦戶外康樂活動架。今次推出嘅郵票，就分別係郊遊及燒烤（一元七角）、騎單車（二元二角）、遊覽歷史古蹟（二元九角）、沙灘活動（三元一角）、遠足（三元七角），以及戶外攝影（五元）。
呢套郵票展現了香港都會生活嘅動與靜，而郵票設計計採用了戶外寫生手法，配合戶外康樂及休閒活動的主題。六種戶外活動嘅背景顏色都唔同，只要合埋一齊睇，就會構成繽紛悅目、充滿朝氣的畫面。今日起就已經發售正式首日封，每個售價一元三角。
