圖：鄭松泰攞口罩出來戴，以免被人認得指指點點/大公報調查組攝
熱血公民主席鄭松泰舊年喺議事廳內倒插國旗及區旗，結果日前就被警方落案起訴侮辱國旗罪及侮辱區旗罪，下周二喺東區裁判法院提堂。尋日鄭松泰去到金鐘站搭港鐵，佢當時畀人指指點點，於是行埋一邊，立即喺背囊攞咗個口罩出來戴，以免再被人認得喎。係咪官司纏身，所以無面見人呢？鄭晴就唔知啦！平日就咁勇武，而家居然要戴口罩避開市民目光。你估自己真係明星咩？真係又要攞威，又要戴口罩囉。
