圖：郭偉強個仔慘被畫花面貓
工聯會立法會議員郭偉強雖然工作忙碌，但仍然堅持每日抽時間陪陪囝囝，原來唔經唔覺囝囝都已經一歲有多，眼仔碌碌咁超級可愛。不過，郭偉強呢個鬼馬爸爸，似乎唔抵得自己個仔愈大愈靚仔，喺Facebook上載咗囝囝張相，佢用黑色麥克筆幫個仔畫上「一字眉」，又畫埋鬍鬚畀佢，唔通想佢學「一字眉」代表、NBA球星戴維斯（Anthony Davis）咁識打籃球？
此相一出都引起不少人關注郭家大少嘅生活，仲笑佢長大後一定找他老爸算帳。不過，郭偉強就喺Facebook解釋，呢個只係Fb新玩意，係拍攝效果，唔係真畫上去嘅，仲叫埋啲朋友下次一齊試下添！
