圖：文裕明（中）向王坤（左一）與前副主席馮彩玉獻上心意卡，感謝他們多年貢獻\大公報記者趙凱瑩攝
已擔任公屋聯會主席21年的王坤上個月正式榮休，由身兼荃灣區區議員的文裕明接棒，成為新任主席。人稱坤哥嘅王坤尋日就相約一班傳媒茶敘，佢喺席上回顧過去31年喺公屋聯會嘅工作生涯，透露出任房委會成員多年間，基本上所有會議都全數出席，就算有一次肚屙，都堅持出席會議。
而唯一缺席一次，是因為當時一個檢討租金嘅委員會臨時改期，而個期咁啱撞咗同老婆去中山浸溫泉嘅日子，所以基於「錢可以唔要，應承咗老婆就唔可以唔去」嘅原則，只好缺席一次，佢亦幽默咁叫新任主席文裕明，要遵守對老婆嘅承諾咁話。
坤哥一向「逢call必覆」好有口碑，佢亦希望新任主席可以繼承傳統，盡量回覆傳媒電話，同時繼續向新一屆政府追數，要求兌現公屋三年上樓嘅承諾。
