圖：Frankie扮文青喺屯門太平清醮活動繪畫嘅貨櫃前影相
貨櫃市集熱潮席捲亞洲，早排元朗就打造咗14個限定藝術貨櫃屋，希望以元朗同屯門為主題宣揚本土文化，發掘出連港人都幾乎遺忘嘅鄉間舊事，仲成為不少文青影「沙龍」嘅熱門景點。就連青年民建聯主席、觀塘區議員顏汶羽（Frankie）都唔例外，忍唔住扮文青去「朝聖」，仲Chok住樣喺以屯門太平清醮活動繪畫嘅貨櫃前影相，加埋Hashtag話覺得自己chok得幾好睇。
Frankie話，呢個市集嘅賣點主打地區文化特色，周末會有不定期音樂會同工作坊，雖然呢個宣傳本土文化嘅方法好「貼地」，吸引好多文青去打卡影相。 不過佢就覺得個市集好奇怪，因為呢度唔單止無嘢食，仲無嘢賣，更加無指示牌，令人行都唔知點行。Frankie建議，除影相之外，如果有多啲活動再配合宣傳，應該可以增加市集吸引力同人流，仲希望如果日後有機會，可以喺觀塘開返個貨櫃市集。不過鄭晴提提你，元朗呢個貨櫃市集去到今個月23日就結束，各位文青「打卡」呃like記得要趁早。
