大公網3月20日訊（記者龔學鳴）「咦，呢個咪係林鄭月娥？」政府今日成立候任行政長官辦公室，好多網民見到辦公室秘書長丁葉燕薇張相個陣，第一反應都係認錯她是特首候選人林鄭月娥。不過睇落又真係好似孖生姊妹，因為無論面型、髮型，同埋氣質，至少有九成相似。其實女高官同林鄭撞樣並非首次，前民政事務總署署長陳甘美華亦曾被話同林鄭勁似，不過佢就已經退休，要三位同台合影就唔喺咁易啦。
講番呢個新成立嘅辦公室，其目的在於確保兩屆政府嘅順利交接，共設有五名首長級人員同超過二十名非首長級人員。而家政府已調派公務員出任其中四個首長級職位，包括候任行政長官辦公室秘書長、候任行政長官的私人秘書、副私人秘書及新聞秘書。
而擔任秘書長嘅丁葉燕薇原本係香港郵政署長，之前仲擔任過發展局副秘書長、保安局副秘書長，並係多個決策局及部門服務。
特首候選人還有曾俊華和胡國興。
