大公網3月20日訊 （記者龔學鳴報道）美食車推出咗超過一個月，唔知大家有無試過呢?民建聯立法會議員陳克勤就話，朋友傳送一條關於台北美食車嘅短片俾佢，克勤就好唏噓咁話香港用咗五、六年籌備美食車，但部分美食車營運者唔駛一個月就蝕到入肉。佢又話，美食車同餐廳最大嘅分別，就係我去搵客人，唔係客人嚟搵我。抽籤揀地點嘅做法，根本就係廢咗美食車嘅武功，因為美食車唔係社區會堂。雪糕車比美食車嘅停泊地點仲好得多呢！
克勤又話，唔明點解唔可以俾美食車喺商業區停泊，中環、金鐘午餐時間，間間餐廳都爆到七彩，如果美食車停泊地點方便，一定會好受歡迎喎！
