中華民族血脈相連，早前經歷咗青年新政梁頌恆同游蕙禎公然辱華播「獨」一事之後，港人對國家同民族嘅認同都大幅上升。最近一項關於港人身份認同嘅調查顯示，港人對身為「中華民族一分子」及「中華人民共和國國民」嘅身份認同指數分別超過70及60分，均較半年前上升超過七分。
雖然近年反對派不斷挑撥離間，通過「鳩嗚」、「反水貨客」等方式，煽動港人對內地嘅敵意，但畢竟同根同種，廣大市民嘅愛國之心並不會因此減退。經宣誓風波一役之後，大家同仇敵愾，一致要求將梁游踢出議會，對禍港「港獨」嘅真面目亦都有咗更加清晰嘅認識添。
